ကိးမုၢ်နံၤအကတီၢ်ဖိတဖၣ်
ယပာ်ထီၣ် ပနံာ်ရၠာစးိကျး လၢယသိလ့ၣ်အပူၤ ဒီးလၢတၢ်ပလီၢ်သူၣ်ပလီၢ်သး အပူၤ နီၣ်ဟးထီၣ်လၢ ယသိလ့ၣ်အိၣ်အလီၢ်န့ၣ်လီၤႉ သတူၢ်ကလာ် ပှၤပိာ်ခွါတဂၤ ဃ့ၢ်ခီကျဲ ဖဲဒၣ်ယမဲာ်ညါဖိဧိၤလီၤႉ အ၀ဲတထံၣ်ပာ်သူၣ်ပာ်သး ယတၢ်ဟဲန့ၣ်ဘၣ်ႉ ယယီၢ်တံၢ် နီၣ်ပတုာ်ချုးဒးဒးဖိန့ၣ်လီၤႉ အ၀ဲဖုးဘၣ်သး ဒီးကွၢ်ထီၣ်၀ဲ‚ ဒီးထံၣ် ယတၢ်ကွၢ်ထီဃာ်အီၤန့ၣ်လီၤႉ ဖဲန့ၣ်အကတီၢ်‚ ယသ့ၣ် ညါ လၢယအိၣ်ဒီးတၢ်ဃုထၢ လၢယကလံထီၣ် ယမဲာ်ချံ ဒီးပာ်ဖျါထီၣ် ယတၢ်သးတံာ်တာ်ဧါႉ မ့တမ့ၢ် ယကနံၤကမှံ ဒီးပျၢ်အီၤန့ၣ်ဧါလီၤႉ ယနံၤကမှံထီၣ်ယဲလီၤႉ
အတၢ်သူၣ်ကိၢ်သးဂီၤ ဖျါစၢ်လီၤ လၢအမဲာ်သၣ် လိၤ‚ ဒီးအနီၢ်ကစၢ်ဒၣ်၀ဲ နံၤကမှံထီၣ်၀ဲလၢတၢ်စံးဘျုး အပူၤန့ၣ်လီၤႉ
လံာ်တၢ်ကတိၤဒိ ၁၅း၁၃ စံး ‘‘တၢ်သးခုန့ၣ် မၤဂ့ၤထီၣ် ပှၤအမဲာ်လီၤႉ မ့မ့ၢ်တၢ်သူၣ်ကိၢ်သးဂီၤန့ၣ် မၤသူၣ်ကၢ်သးလီၤတၢ်လီၤ’’ႉ ပှၤကွဲးတၢ်မ့ၢ် အနဲၣ်ပှၤ လၢပကအိၣ်ဒီး တၢ်နံၤတၢ်အ့‚ မဲာ်ဆၢနါဆၢ ဖဲပဘၣ်သဂၢၢ် ဒီးတၢ်မၤတံာ်တာ်‚ တၢ်သးဟးဂီၤ ဒီးတၢ်တမုာ်တလၤကိးမံၤ လၢသးသမူ ဟဲစိာ်န့ၢ်ပှၤ အခါဧါႉ တမ့ၢ်လ့ၤတက့ၤဘၣ်ႉ ဆၢကတီၢ်အိၣ်၀ဲ…
ဃုာ်ဒီးပှၤ‚ အိၣ်လၢပကျါ
ဖဲပၢၤကီၢ်‚ လၢအမၤတၢ်လၢပှၤဂီၢ်မုၢ်ခဲလၢာ်အအိၣ် လၢတၢ်လီၢ်တပူၤဃီတဂၤ‚ တၢ်သံကွၢ်အီၤ လၢအတၢ်မၤန့ၣ် မ့ၢ်မနုၤလဲၣ်အကတီၢ်န့ၣ် စံးဆၢ၀ဲ ပမ့ၢ်ပှၤကူပှၤကညီ လၢအမၤတၢ်ဒီး ပှၤကူပှၤကညီသ့ၣ်တဖၣ် ဖဲတၢ်ဂ့ၢ်ကီကဲထီၣ်၀ဲ အဆၢကတီၢ်န့ၣ်လီၤႉ
အတၢ်ဆီၣ်လီၤသး‚ အ၀ဲအတၢ်မၤန့ၣ် လီၤဃူ လီၤပလိာ်အသး ဒီးအတံၤသကိး ပှၤကူပှၤကညီသ့ၣ်တဖၣ် အတၢ်မၤလီၤႉ တၢ်အံၤ ဒုးသ့ၣ်နီၣ်ထီၣ်က့ၤယၤ‚ စီၤပ့းတ့ှူးအတၢ်ကတိၤ ဖဲနံၣ်ကယၤတၢအကတီၢ်‚ ဖဲပှၤခရၠာစးံာ်ဖိသ့ၣ်တဖၣ် ဘၣ်တၢ်မၤနၢၤမၤနးမၤဖှီၣ်အီၤ လၢရၠာစးိမ့ၤသ့ၣ်တဖၣ် အကတီၢ်န့ၣ်လီၤႉ စီၤပ့းတ့ှူးစံး၀ဲ‚ ‘‘မ်ပှၤခဲလၢာ် ကဲထီၣ်သးတဖျၢၣ်ဃီ‚ ပှၤဒိးဃုာ်တၢ်‚ ပှၤအဲၣ်ဒီပုၢ်၀ဲၢ်‚ ပှၤသးကညီၤ တၢ်‚ ပှၤဆီၣ်လီၤသးန့ၣ်တက့ၢ်’’ (၁ ပ့း ၃း၈) ႉ ဘၣ်တဘၣ် စီၤပ့းတ့ှူးစံး၀ဲ လၢတၢ်မၤကဒါက့ၤအဂ့ၤအကတၢၢ် ဆူ ပှၤကူပှၤကညီ လၢအအိၣ် လၢတၢ်ဂ့ၢ်ကီအပူၤန့ၣ် ကဘၣ်မ့ၢ်၀ဲဒၣ် ပှၤကူပှၤကညီလီၤႉ ပကဘၣ်သ့ၣ်ညါ လၢပမ့ၢ်ဒၣ် ပှၤကညီဒ်သိးသိးလီၤႉ ကစၢ်ယွၤ မၤတ့ၢ်၀ဲတၢ်‚ ဖဲအဆှၢလီၤအဖိခွါ ဒီးကဲထီၣ် ပှၤကူပှၤကညီ ဒ်သိး အကမၤစၢၤပှၤန့ၣ်လီၤ (ဖံး ၂း၇)…
တၢ်ပူၤဖျဲးအလီၢ်
ယဖိမုၣ်ဒီးယၤ ပသုးကျဲၤကတဲာ်ကတီၤပသး လၢပကလဲၤဟံၣ်ဒူၣ်ဃီထၢ အတၢ်ထံၣ်လိာ်သးန့ၣ်လီၤႉ မ့ၢ်လၢအ၀ဲသူၣ်ကိၢ်သးဂီၤ လၢတၢ်လဲၤတဘျီအံၤအဃိ‚ ယဃ့နီၣ်သိလ့ၣ်န့ၣ်လီၤႉ အ၀ဲသံကွၢ်ယၤ‚ ‘‘ဂ့ၤလံ‚ ဘၣ်ဆၣ် ယပလၢၢ်ဘၣ် တၢ်တဒီတဒၢ လၢယသိလ့ၣ်ပူၤလီၤႉ နနီၣ်နံယၤကသ့ဧါ’’ႉ ယဆိမိၣ်လၢအ၀ဲအဲၣ်ဒိး အသိလ့ၣ် လၢအဒိၣ်အလဲၢ်ဒိၣ်န့ၢ် ယသိလ့ၣ်အဆံးအဃိ ယတဲဆၢအီၤ လၢ‚ ‘‘ယသိလ့ၣ် ကတံာ်ကတူးကဲာ်ဆိးအဃိဧါ’’ န့ၣ်လီၤႉ ‘‘တမ့ၢ်ဘၣ်ႉ မ့ၢ်ဒၣ်လၢယသိလ့ၣ်မ့ၢ် ယတၢ်ပူၤဖျဲးအလီၢ် အဃိန့ၣ်လီၤႉ ယဘၣ် တၢ်တဒီတဒၢယၤဖဲန့ၣ်လီၤႉ’’
အတၢ်ကတိၤ တၤတၢ်ဒီးယၤလၢ ယကဆိကမိၣ် က့ၤ ‘‘ယတၢ်ပူၤဖျဲးအလီၢ်’’ န့ၣ်လီၤႉ တဘျီဃီ ယဆိကမိၣ် ထီၣ် ကတိၤဒိ ၁၈း၁၀‚ ‘‘ ယွၤအမံၤမ့ၢ်တၢးထီခၢၣ်သနၢၢ်လီၤႉပှၤတီပှၤလိၤန့ၣ် ဃ့ၢ်နုာ်ဆူအပူၤ‚ ဒီးအိၣ်ပူၤဖျဲး၀ဲလီၤႉ’’ လၢလံာ်စီဆှံအလီၢ်လံၤတက့တူၢ် အကတီၢ်အခါ‚ ဂီၤပၤတဖၣ်ဒီး ၀့ၢ်အပျိာ်ကွၢ်စိတၢ် ဟ့ၣ်ထီၣ်တၢ်ပလီၢ် လၢတၢ်လီၤပျံၤလီၤဖုးတဖၣ်ဒီး ကတီၤဃး အပှၤခူဖိ၀့ၢ်ဖိ အအိၣ်လၢ အပူၤန့ၣ်လီၤႉ ပှၤကွဲးလံာ် အတၢ်ပညိၣ်မ့ၢ် ကစၢ်ယွၤအမံၤ လၢအဆၢထၢၣ် လၢအသကဲာ်ပ၀း‚ အနီၢ်ကစၢ်ဒီး…
နိၣ်စိၢ်မံၣ် အတၢ်မုၢ်လၢ်ကွၢ်စိ
ဖဲ ၂၀၁၁ နံၣ်အခါ လၢ ကီၢ်ယပၣ် ကလံၤစိးမုၢ်ထီၣ်န့ၣ် ဟီၣ်ခိၣ်ဟူး၀ဲအပတီၢ် အိၣ်၀ဲ နီၣ်ဂံၢ် ၉ န့ၣ်လီၤႉ ဒီးကဲထီၣ် ဆူၣ်နၣ်မံၣ်လပီ လၢအဟံးထီၣ်ကွံာ် ပှၤကညီအသးသမူ အဂၤ ၁၉‚၀၀၀ ဃၣ်ဃၣ်ဒီး မၤဟးဂီၤကွံာ် ဟံၣ်ဒူၣ်အဖျၢၣ်၂၃၀‚၀၀၀ ညါန့ၣ်လီၤႉတၢ်ဘၣ်ဒိဘၣ်ထံးဖးဒိၣ်အံၤ၀ံၤအလီၢ်ခံန့ၣ် နိၣ်စိၢ်မံၣ် တၢ်ဟူးတၢ်ဂဲၤ လၢအဒုးကဲ ထီၣ် တၢ်အခီပညီ လၢယပၣ်ကျိာ် မ့ၢ်၀ဲ ‘‘တၢ်မုၢ်လၢ်’’ အိၣ်ဟဲကဲထီၣ်၀ဲ ဒ်သိးကပၢၤဃာ် အစ့ဟဲနုာ်‚ ပခိၣ်ပဃၢၤ‚ပှၤကညီသူးသ့ၣ် ဒီးတၢ်မုၢ်လၢ် လၢယွၤ လၢကတဲာ်ကတီၤ တၢ်တဂၤအပူၤန့ၣ်လီၤႉ
နိၣ်စိၢ်မံၣ် ပိာ်မုၣ်တဖၣ် ဃုထံၣ်၀ဲ ဟံၣ်လီၤပှီၢ် အက့အခီတဖၣ်၀ံၤဒီး ဆီတလဲက့ၤ၀ဲဆူ တၢ်စုသ့မၤကယၢကယဲ ဃံလၤလုၢ်ပရၤဒိၣ်အသိးန့ၣ်လီၤႉ ဒီးတၢ် ကယၢကယဲဃံလၤတဖၣ်အံၤ ဘၣ်တၢ်ဆါလီၤအီၤ ဆူ ဟီၣ်ခိၣ်ဒီဘ့ၣ် ဒီးဘၣ်တၢ်ကတဲာ်ကတီၤအီၤ လၢပိာ်မုၣ် တဖၣ် အသးသမူအတၢ်လိၣ်ဘၣ်အဂီၢ် လၢအ၀ဲသ့ၣ် ရၠာစးၤလီၤ တၢ်စူၢ်က့ၤနာ်က့ၤ ကစၢ်ခရၠာစးံာ်အဂ့ၢ်န့ၣ်လီၤႉ
လၢလံာ်စီဆှံအသီတ့တူၢ်အဆၢကတီၢ်အခါန့ၣ် ပှၤညီနုၢ်ပာ်ခူသူၣ်…